ARSENAL HATIHATI TENA KUMKOSA_ MATHIEU DEBUCHY KWA MIEZI 3

 

Arsenal huenda ikamkosa beki wake Mathieu Debuchy kwa miezi mitatu kama upasuaji wa bega lake lililoteguka utahitajika.

Beki huyo wa kulia wa Ufaransa aliumia katika mechi ya ushindi wa 3-0 dhidi ya Stoke City wiki iliyopita baada ya kusukumwa kwa makusudi na Marko Arnautovic ambaye amefanikiwa kuepuka adhabu kutoka FA.

Debuchy ataonana na mtaalam ndani  yaa masaa 48 yajayo ili kujua kama upasuaji utahitajika au la.

Habari hizi  ni pigo kwa Arsenal ambayo safu yake ya ulinzi imekuwa ikiandamwa na majeruhi tangu kuanza kwa  msimu huu.

Debuchy ndiyo kwanza alikuwa anarejea uwanjani baada ya kuwa majeruhi kwa miezi mitatu tangu alipoumia kiwiko cha mguu mwezi Disemba.