PRESS release MTU MMOJA afariki mkoani Mbeya baada ya kugongwa na gari

 

      TAARIFA YA JESHI LA POLISI MKOA WA MBEYA KWA VYOMBO VYA HABARI

“PRESS RELEASE” TAREHE 18.08.2015.

·         .MPANDA BAISKELI AFARIKI DUNIA PAPO HAPO BAADA YA KUGONGWA NA GARI WILAYANI MBARALI.

·         .JESHI LA POLISI MKOA WA MBEYA LINAWASHIKILIA WATU SITA WAKIWA NA POMBE HARAMU [GONGO] NA BHANGI.

KATIKA TUKIO LA KWANZA:

MPANDA BAISKELI ALIYEFAHAMIKA KWA JINA LA SIKU THOBIAS (25) MKAZI WA LUNWA WILAYANI MBARALI ALIFARIKI DUNIA PAPO HAPO BAADA YA KUGONGWA NA GARI ISIYOFAHAMIKA ILIYOKUWA IKIENDESHWA NA DEREVA ASIYEFAHAMIKA.

AJALI HIYO ILITOKEA MNAMO TAREHE 17.08.2015 MAJIRA YA SAA 21:45 USIKU HUKO KATIKA KIJIJI CHA LUNWA-IGURUSI, KATA YA IGURUSI, TARAFA YA ILONGO, WILAYA YA MBARALI, MKOA WA MBEYA KATIKA BARABARA KUU YA MBEYA/NJOMBE.

CHANZO CHA AJALI NI MWENDO KASI. DEREVA ALIKIMBIA NA GARI MARA BAADA YA TUKIO. UPELELEZI UNAENDELEA.

TAARIFA ZA MISAKO:

KATIKA MSAKO WA KWANZA, WATU WATANO WALIOFAHAMIKA KWA MAJINA YA 1. FURAHA MALECELA (36) MKAZI WA IPINGO 2. KENEDY MWAKANYUMA (23) MKAZI WA KISELI 3. LISTA ANDONGOLILE (43) MKAZI WA KISELI 4. ANYUKULILE MWAISOBA (71) MKAZI WA IKONGO NA 5. OSHANA ANDONGOLILE (43) MKAZI WA KISELI WANASHIKILIWA NA JESHI LA POLISI MKOA WA MBEYA WAKIWA NA POMBE HARAMU YA MOSHI [GONGO] UJAZO WA LITA ISHIRINI [20].

WATUHUMIWA WALIKAMATWA KATIKA MSAKO ULIOFANYIKA MNAMO TAREHE 18.08.2015 MAJIRA YA SAA 01:37 USIKU WA KUAMKIA LEO HUKO KATIKA VITONGOJI VYA IPINGO, KISELI NA IKONGO, KIJIJI CHA LUALAJE, KATA YA LUALAJE, TARAFA YA KIPEMBAWE, WILAYA YA CHUNYA, MKOA WA MBEYA. WATUHUMIWA NI WATUMIAJI NA WAUZAJI WA POMBE HIYO, TARATIBU ZA KUWAFIKISHA MAHAKAMANI ZINAENDELEA.

KATIKA MSAKO WA PILI, MTU MMOJA MKAZI WA MLOWO WILAYA YA MBOZI ALIYEFAHAMIKA KWA JINA LA SAME KASEBELE (18) ANASHIKILIWA NA JESHI LA POLISI MKOA WA MBEYA AKIWA NA BHANGI UZITO WA GRAM 50.

MTUHUMIWA ALIKAMATWA MNAMO TAREHE 17.08.2015 MAJIRA YA SAA 10:00 ASUBUHI HUKO KATIKA MTAA WA MLOWO, KATA YA MLOWO, TARAFA YA VWAWA, WILAYA YA MBOZI, MKOA WA MBEYA. TARATIBU ZA KUMFIKISHA MAHAKAMANI MTUHUMIWA ZINAENDELEA.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA YEYOTE MWENYE TAARIFA ZA DEREVA ALIYESABABISHA AJALI AZITOE KATIKA MAMLAKA HUSIKA ILI AKAMATWE NA HATUA ZA KISHERIA ZICHUKULIWE DHIDI YAKE. AIDHA ANATOA WITO KWA JAMII KUACHA MATUMIZI YA POMBE HARAMU YA MOSHI NA BHANGI KWANI NI KINYUME CHA SHERIA NA NI HATARI KWA AFYA YA MTUMIAJI.

Imesainiwa na:

[AHMED Z. MSANGI – SACP]

KAMANDA WA POLISI MKOA WA MBEYA.