CAPT. KOMBA KUAGWA leo VIWANJA VYA KARIMJEE …mazishi ni kesho Jumanne

Mazishi ya Mbunge wa Mbinga Magharibi na mkurugenzi wa TOT Kapten John Komba yatafanyika Mbinga kesho  (Jumanne) huku wakazi wa jiji la Dar es Salaam wakitarajiwa kuuga mwili wake leo Jumatatu katika viwanja vya Karimjee.

Komba alifariki ghafla Jumamosi mchana katika hospitali ya TMJ ya jijini Dar es Salaam.

Katibu Mipango wa TOT Gasper Tumaini amesema  kuwa mwili wa Kapten Komba utaanza kuagwa hapo Karimjee saa nne za asubuhi na kuendelea kabla ya kusafirishwa kwenda kwao Mbinga tayari kwa mazishi yatakayofanyika Jumanne.